Despois de todo o que levas vendo, lendo e aprendendo sobre os hábitos saudables, chega o momento de facer unha paradiña e facer unha reflexión entre todos e todas. 

Seguramente hai un montón deles que xa coñecías, outros que non tiñas moi claros e, outros, que non sabías.

Sobre os que xa coñecías:

• • Cales aplicas na túa vida diaria?
  • E a túa familia?
  • Cales fas?
  • Cales non? Por que?

Dos que non sabías:

• • Sorprendeuche algún?
  • Por que?
  • Hai algún que poidas aplicar na túa vida diaria?

Dos que pensabas que facías ben e non é así:

• • Hai algún que poidas mellorar?
  • Hai algún que poidas eliminar?

Despois desta reflexión conxunta, vas ver a realidade na que estás ti e a túa familia, para poder facer o teu plan de mellora do Estilo de Vida Activo (EVA).

Ao longo dunha semana, vas apuntar nunha folla de observación (accede ao documento en formato editable (.odt)/ accede ao documento en PDF) os hábitos e rutinas que facedes normalmente na vosa casa. Nela rexistrarás datos como a cantidade de froitas e verduras que comedes, a auga que bebedes, o exercicio físico que facedes, as horas de sono, as veces que lavades os dentes...

Ao final da semana, coa información veraz que recibiches e os teus datos familiares, terás o necesario para poder comezar a crear o Plan perfecto para a túa familia.

Mans á obra!!